ଜୁନାଗଡ଼ରେ ଧାନ ଉଠାଣ ଦାବିକୁ ନେଇ ଜାତୀୟ ରାଜପଥ ଅବରୋଧ କଲେ ଚାଷୀ l
ଜୁନାଗଡ଼ : (ବାଲେଶ୍ୱର ସୁନାନୀ )କଳାହାଣ୍ଡି ଜିଲ୍ଲାରେ ଧାନ କ୍ରୟ ପ୍ରକ୍ରିୟା ଅଚଳାବସ୍ଥା ଜାରି ରହିଥିବା ବେଳେ ଜୁନାଗଡ଼ ଅଞ୍ଚଳର ଚାଷୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଆଜି ସକାଳ ପ୍ରାୟ ୯ ଘଣ୍ଟା ସମୟରେ ଜୁନାଗଡ଼ ଅଞ୍ଚଳର ସମସ୍ତ ଚାଷୀ ମିଳିତ ହୋଇ RMC ଗେଟ ନିକଟ ଜାତୀୟ ରାଜପଥ ୨୬ କୁ ଅବରୋଧ କରିଥିବାର ଦୃଶ୍ୟ ଦେଖିବାକୁ ମିଳିଛି l ଏଥିରେ ଶହ ଶହ ସଂଖ୍ୟାର ଚାଷୀ ସାମିଲ ହୋଇଥିବାର ଦୃଶ୍ୟ ଦେଖିବାକୁ ପାଇଛୁ l ଜୁନାଗଡ଼ ମଣ୍ଡିରେ ଗତ ୨୦ ତାରିଖରୁ ଧାନ ବିକ୍ରି ପାଇଁ ରଖାଯାଇଥିଲେ ମଧ୍ୟ ପ୍ରାୟ ୨୫ ଦିନ ହେଲା ଧାନ ଉଠାଣ ହୋଇନଥିବାରୁ ଚାଷୀମାନେ ନାନାଦି ପ୍ରକାରର ହଇରାଣ ହରକତ ହେଉ ଥିବାବେଳେ ଏହି ମଣ୍ଡିକୁ ନିଯୁକ୍ତ ମିଲର୍ସ ଏବଂ ଏଜେଣ୍ଟ ଏପର୍ଯ୍ୟନ୍ତ ଧାନ ଉଠାଇବାକୁ ଆସିନଥିବା ଯୋଗୁ ୪୦୦ ରୁ ଅଧିକ ଚାଷୀଙ୍କ ହଜାର ହଜାର କୁଣ୍ଟାଲ ଧାନ ଖୋଲା ଆକାଶ ତଳେ ପଡ଼ି ରହିଥିବାର ଚିତ୍ର ଦେଖିବାକୁ ମିଳୁଛି ।ଗତ କାଲି ପ୍ରବଳ ବର୍ଷା ଯୋଗୁ ଅନେକ ଚାଷୀଙ୍କ ଧାନ ସବୁ ବର୍ଷା ପାଣିରେ ଭିଜି ଯାଇଥିବାର ମଧ୍ୟ ଦୃଶ୍ୟ ଦେଖିବାକୁ ମିଳିଛି l ପ୍ରଶାସନିକ ସ୍ତରର ଧାର୍ଯ୍ୟ ଧାନ କଟଣିକୁ ନେଇ ମିଲର୍ସ ଏବଂ ମିଲର୍ଷଙ୍କ ଏଜେଣ୍ଟ ମାନେ ଅସନ୍ତୋଷ ହୋଇ ନିଜ ମନମୁଖୀ ପାଖା ପାଖୀ ଆଉ ୨ ରୁ ୩ କିଲୋ ଅଧିକ ଧାନ ଛଟନି କରିବାର ପ୍ରୟାସ ମିଲର୍ସ ମାନେ କରୁଥିବାର ଯୋଗୁ ଚାଷୀ ଏଭଳି ମଣ୍ଡିରେ ହଇରାଣ ହରକତ ହେଉଛନ୍ତି ବୋଲି ଚାଷୀ ମହଲରେ ଚର୍ଚ୍ଚା ଜୋର୍ ଧରିଛି l ଯଦି ପ୍ରଶାସନିକ ଅଧିକାରୀ କିମ୍ବା ସରକାରୀ ସ୍ତରର ମନ୍ତ୍ରୀ ମହୋଦୟ ମାନେ ପ୍ରତେକ୍ ମଣ୍ଡିକୁ ଠିକ ଭାବରେ ଗସ୍ତ କରନ୍ତେ ତାହାହେଲେ ଚାଷୀଙ୍କ ଧାନ ସୁଚାରୁ ରୂପେ ସରକାରୀ କଟଣିରେ ସୁରୁଖୁରୁରେ ଧାନ ବିକ୍ରି କରିପାରନ୍ତେ ବୋଲି ବୁଦ୍ଧିଜୀବୀ ମହଲରେ ଦାବି ଜୋର୍ ଧରିଛି l ଏସବୁକୁ ନେଇ ଆମେ ଚାଷୀଙ୍କୁ କଟନି କଣ ଆଉ ଛଟନି କଣ ବୋଲି ପ୍ରଶ୍ନ କରିବାରୁ କଟଣୀ ଜାଣିଥିଲୁ କିନ୍ତୁ ଧାର୍ଯ୍ୟ କଟିଙ୍ଗରୁ ୨ ରୁ ୩ kg ଧାନ ଅଧିକ ନେବା ମିଲର୍ସ ଏବଂ ପ୍ରଶାସନର ମଧୁ ଚନ୍ଦ୍ରିକା ହେଲା ଛଟନି, ବୋଲି ଜାଣି ପାଇଲୁ ବୋଲି ଚାଷୀଙ୍କ ଠାରୁ ଏଭଳି ଉତ୍ତର ପାଇଥିଲୁ ତେଣୁ ଏହି ଛଟନି ପ୍ରତି ପ୍ରଶାସନିକ ଅଧିକାରୀ ମାନେ ନଜରରେ ରଖି ଉଚିତ୍ ପଦକ୍ଷେପ ନେଲେ ଅଞ୍ଚଳର ଚାଷୀ ଉପକୃତ ହେବେ ବୋଲି ଚାଷୀ ମହଲରେ ଦାବୀ ରହିଥିବାର ସୂଚନା ମିଳିଛି l କିନ୍ତୁ ଏବେ ଟୋକନ ରଖିଥିବା ଅନେକ ଚାଷୀଙ୍କ ସମୟସୀମା ଶେଷ ହେବାକୁ ଯାଉଥିବାରୁ ସେମାନେ ଚିନ୍ତାରେ ରହିଥିବାର ଦେଖିବାକୁ ମିଳୁଛି । ବିଶେଷକରି ୧୮ ତାରିଖର ଟୋକନ ଧାରୀ ଚାଷୀଙ୍କ ଟୋକନ ଲାପ୍ସ ହେବା ଆଶଙ୍କା ଦେଖାଦେଇଛି । ଏପରିକି ଏନ୍ଏସି ଅଞ୍ଚଳର ଧାନ ଉଠାଣ ହୋଇଥିବା ବେଳେ ପ୍ୟାକ୍ସ ମାଧ୍ୟମରେ ଆସିଥିବା ଧାନ ଉଠାଣ ହେଉନଥିବା ଚାଷୀମାନେ ଅଭିଯୋଗ କରିଛନ୍ତି। । ଏ ସବୁ ଅବ୍ୟବସ୍ଥା ସମସ୍ୟାକୁ ନେଇ ସମସ୍ତ ଚାଷୀମାନେ ତୁରନ୍ତ ମଣ୍ଡିରୁ ଧାନ ଉଠାଣ, ଟୋକନ ଲାପ୍ସ ନ କରିବା ଏବଂ ମିଲର୍ସ ନିଯୁକ୍ତିରେ ଅବ୍ୟବସ୍ଥା ହୋଇଥିବା ସମସ୍ୟାକୁ ଦୂର କରିବା ନିମନ୍ତେ ପ୍ରଶାସନିକ ଅଧିକାରୀ ମାନେ କି ପଦକ୍ଷେପ ନେଇ ପାରୁଛନ୍ତି ଦେଖିବାକୁ ବାକି ରହିଲା l
