ତ୍ରିରଙ୍ଗା ତଳେ ଏକାଠି ହେଲେ ଯୁବପିଢ଼ି: ଆଦର୍ଶ ଯୁବକ ସଂଘ ପକ୍ଷରୁ ସ୍ୱାଧୀନତା ଦିବସ ପାଳିତ
ସିନାପାଲି, ୧୫/୦୮:(କଳିଙ୍ଗ ଫୋକସ) ମଳୟ ମେହେର:
ଦେଶପ୍ରେମର ଭାବନା, ତ୍ରିରଙ୍ଗାର ଗୌରବ ଓ ଯୁବପିଢ଼ିର ଉତ୍ସାହ ମଧ୍ୟରେ ଆଦର୍ଶ ଯୁବକ ସଂଘ ପକ୍ଷରୁ ୮୦ତମ ସ୍ୱାଧୀନତା ଦିବସ ଆନନ୍ଦ ଓ ଉତ୍ସାହର ସହ ପାଳିତ ହୋଇଯାଇଛି।
ସଂଘର ସଭାପତି ଦାମ୍ବରୁଧର ମେହେରଙ୍କ ନେତୃତ୍ୱରେ ଆୟୋଜିତ ଏହି ଜାତୀୟ ପର୍ବରେ ରାଜେନ୍ଦ୍ର ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ। ଏହି ଅବସରରେ ସଂଘର ପୂର୍ବତନ ସଭାପତି ନୌକାନ୍ତ ମେହେର ମଧ୍ୟ ଉପସ୍ଥିତ ରହିଥିଲେ। ପତାକା ଉତ୍ତୋଳନ ପରେ ଉପସ୍ଥିତ ସମସ୍ତେ ଜାତୀୟ ସଙ୍ଗୀତ ଗାନ କରି ଦେଶର ବୀର ସହିଦ ଓ ସ୍ୱାଧୀନତା ସଂଗ୍ରାମୀଙ୍କୁ ଶ୍ରଦ୍ଧାର ସହ ସ୍ମରଣ କରିଥିଲେ।
କାର୍ଯ୍ୟକ୍ରମରେ ସଂଘର ସଦସ୍ୟ ହେମସାଗର ମେହେର, ଶ୍ରୀକାନ୍ତ ମେହେର, ମନୋଜ ମେହେର, ଅଖିଳ ମେହେର, ଦେବେନ୍ଦ୍ର ମେହେର, ନବୀନ ମେହେର, ପ୍ରମୋଦ ମେହେର, ରାଜେଶ ମେହେର, ଜିତେନ୍ଦ୍ର ମେହେର, ସୂର୍ଯ୍ୟଭାନୁ ମେହେର, ଯୁଗେଶ୍ୱର ମେହେର, ପୁସ୍ତମ ମେହେର, ଭବାନୀ ମେହେର, ଦଶରଥ ନାଏକ ଓ ଗୌତମ ବାଗଙ୍କ ସମେତ ହାଇସ୍କୁଲ ପଡ଼ାର ଯୁବଗୋଷ୍ଠୀ, ମା’ ଓ ଭଉଣୀମାନେ ଏବଂ ବହୁ ସଂଖ୍ୟକ ଅଞ୍ଚଳବାସୀ ଯୋଗଦେଇଥିଲେ।
ଏହି ଅବସରରେ ବକ୍ତାମାନେ ଦେଶର ସ୍ୱାଧୀନତା ପାଇଁ ଅସଂଖ୍ୟ ସଂଗ୍ରାମୀଙ୍କ ତ୍ୟାଗ ଓ ବଳିଦାନକୁ ସ୍ମରଣ କରିଥିଲେ। ଯୁବପିଢ଼ି ଦେଶର ଭବିଷ୍ୟତ ହୋଇଥିବାରୁ ସମାଜରେ ଭାଇଚାରା, ଏକତା ଓ ସଦ୍ଭାବ ବଜାୟ ରଖିବା ସହ ଅଞ୍ଚଳର ବିକାଶରେ ଯୁବକମାନେ ସକ୍ରିୟ ଭୂମିକା ନେବାକୁ ଆହ୍ୱାନ ଦିଆଯାଇଥିଲା।
ତ୍ରିରଙ୍ଗା ତଳେ ଯୁବକ, ମହିଳା ଓ ଅଞ୍ଚଳବାସୀଙ୍କ ଏକତ୍ରିତ ଉପସ୍ଥିତି ଜାତୀୟ ଏକତା ଓ ସାମାଜିକ ସଦ୍ଭାବର ଏକ ସୁନ୍ଦର ଚିତ୍ର ପ୍ରଦର୍ଶନ କରିଥିଲା। ଦେଶପ୍ରେମ ଓ ଉତ୍ସାହର ମାହୋଲ ମଧ୍ୟରେ ଆଦର୍ଶ ଯୁବକ ସଂଘର ସ୍ୱାଧୀନତା ଦିବସ ପାଳନ କାର୍ଯ୍ୟକ୍ରମ ସମାପ୍ତ ହୋଇଥିଲା ।
